Репрезентациите на Хрватска и Мароко ќе се сретнат во битката за третото место на Мундијалот. За африканската селекција тоа ќе биде историска можност да стигнат до медал на СП, а Хрватите да повторат успех кој веќе го имаат постигнато.
„Во секој случај, натпреварот е од големо значење и дефинитивно нема да биде егзибициски“, наведе „The Analyst“ во најавата за мечот за бронза.
Хрватска и Мароко одиграа 0:0 на отворањето на групата Ф. Тогаш суперкомпјутерот му даде на Мароко 24,8 отсто шанса за победа. Сега тој процент е 30,9 отсто. Хрватска и натаму е во предност и шансите за бронза и се 43,1 отсто. Процентот дека мечот ќе заврши без победник е 26 проценти.
Никогаш не се случило мечот за третото место да се решава со удари од белата точка. На досегашните 19 средби за бронзата само еднаш имало продолженија. Во 1986 година, а Франција ја победи Белгија со 4-2.
