Струга Трим Лум на најдобар начин ја заокружува полусезоната откако на едно коло пред зимската пауза се зацврсти на првото место со триумфот од 1-0 против Академија Пандев. Тимот на Срѓан Захариевски ја обезбеди есенската титула, прва во клупската историја.
Долго време Струга ТЛ бараше победнички гол на денешниот дуел со Академија Пандев и успеа да го постигне Дарко Илиески во 69.минута.
Шкупи со пресврт славеше против Брегалница во Кичево со 3-1. Себастијан Херера во 24.минута донесе предност за штипјани, но десет минути подоцна Фреди Алварез упати бомба од 35 метри и успеа да израмни.
Кристијан Трапановски на почетокот на вториот дел се погрижи за пресврт, а триумфот го потврди Пепи Ѓорѓиев во 83.минута.
Љупчо Дориев беше човек на одлука во триумфот (1-3) на Шкендија против Македонија ЃП на дуелот во Ѓорче Петров. Тој го отвори резултатот во 19.минута, а потоа и ја затвори серијата голови во 84.минута. Ферхан Хасани стрелаше во 51.минута за Шкендија, а едн минута подоцна погоди Емир Скендери за „лавовите“ од Ѓорче Петров.
Силекс освои три бода на гости совладувајќи го Тиквеш во Кавадарци со 0-2. Филип Обадовиќ беше стрелец на првиот гол во 72.минута, а девет минути подоцна кратовци постигнаа уште еден погодок преку Марјан Ристовски.
Во Прилеп, Победа и Скопје ремизираа без голови.
ПРВА ЛИГА, 17.КОЛО – РЕЗУЛТАТИ
СТРУГА ТЛ – АКАДЕМИЈА ПАНДЕВ 1-0
ШКУПИ – БРЕГАЛНИЦА 3-1
МАКЕДОНИЈА ЃП – ШКЕНДИЈА 1-3
ТИКВЕШ – СИЛЕКС 0-2
ПОБЕДА – СКОПЈЕ 0-0
Женски фудбал
Фудбалерките поразени од Летонија во Скопје
Тимови
