Тарас Степаненко, капитенот на фудбалската репрезентација на Украина, добро се сеќава на претходниот дуел со Македонија, одигран на Европското првенство. Тогаш Украинците победија, но Степаненко вели – со многу мака.
„Многу добро се сеќавам на мечот на Европското првенство. Тоа беше многу тежок дуел, се намачивме за да стигнеме до триумф. Сега има одредени промени во репрезентацијата на Македонија, но сигурно дека има неколку квалитетни фудбалери на кои треба да внимаваме во секој момент. Ако дојде и до најмало опуштање, тоа може да биде кобно за нас“, изјави Степаненко.
