Македонија и Романија без голови на арената „Тодор Проески“ и ја продолжуваат трката за втората позиција во групата, заедно со Ерменија. Искусниот Николае Станчиу истакна дека теренот бил многу лош за игра, а капитенот на Македонија, Стефан Ристовски, им се извинил поради тоа уште пред почетокот на мечот.
„Освоивме бод и тоа за нас е добар резултат. Мислам и дека не заслуживме повеќе од тоа. Мора да се напомене дека и теренот беше очаен, многу тежок за игра. Капитенот на Македонија дојде и ни се извини поради тоа уште пред почетокот на натпреварот“, изјави Николае Станчиу.
