Состави: Македонија ја напаѓа Украина со Несторовски, Елмас и со Трајковски

Селекторот на фудбалската репрезентација на Македонија, Благоја Милевски, го одреди стартниот тим со кој ќе ја нападне Украина на арената „Тодор Проески“ во Скопје. Во нападот е Илија Несторовски, а на крилните позиции ќе бидат Елиф Елмас и Александар Трајковски.

Во средниот ред се Аријан Адеми и Енис Барди, потпомогнати од Езгјан Алиоски и од Стефан Ашковски.

На голот е Столе Димитриевски, а во одбраната ќе делуваат Стефан Ристовски, Висар Муслиу и Ѓоко Зајков.

Кај Украинците, без изненадувања. Во нападот се Довбик и Јармоленко, по крилните позиции Мудрик и Циганков.