Норвежанецот Александер Сорлот беше апсолутен херој на натпреварот меѓу Атлетико Мадрид и Реал Сосиедад (4-0), откако постигна сите четири гола за само 30 минути игра. Особено впечатливо беше тоа што првите три гола ги даде за само четири минути, со што испиша историја во Ла Лига.
Со хет-трик по само 11 минути од стартот на мечот, Сорлот стана фудбалерот со најбрзо постигнат хет-трик во историјата на шпанскиот шампионат.
Претходниот рекорд го држеше легендарниот Мундо од Валенсија, кој во далечната 1941 година, исто така против Реал Сосиедад, постигнал три гола за исклучително кратко време – но сега тој рекорд е симнат од тронот благодарение на Сорлот.
