Манчестер Сити го продолжи максималниот ефект во Премиер – лигата. „Граѓаните“ го победија Нотингем Форест со 2-0 и со 18 бода се наоѓа на врвот на табелата.
Многу брзо тимот на Пеп Гвардиола обезбеди убава предност. Фил Фоден во седмата минута со силен удар ја затресе мражата на „шумарите“, а Ерлинг Халанд во 14.минута со удар со глава зголеми на 2-0.
На почетокот на второто полувреме Родри направи глупост, фати за врат противнички играч и беше исклучен, но и со фудбалер помалку „граѓаните“ знаеја да ја сочуваат предноста.
Лутон и Вулверхемптон одиграа 1-1, а немаше голови на мечот меѓу Кристал Палас и Фулам.
