Напаѓачот на Манчестер Јунајтед, кој дојде на позајмица во Хетафе, откако мина сурови денови со обвинувања за силување, се чини дека во Шпанија ја оживеа својата кариера. Неговиот талент и квалитети не се спорни, но Манчестер Јунајтед не сакаше да го има во тимот поради аферата за силување.
Иако Гринвуд беше ослободен од обвинувањата, навивачите, спонзорите и голем дел од вработените во клубот се кренаа против младиот фудбалер и не сакаа да остане на „Олд Трафорд“.
Тој дојде на позајмица во Хетафе и не погреши, а многу брзо се наметна на натпреварите во Ла Лига.
Според последните информациите на шпанските медиуми, Барселона испратила скаути да го следат Гринвуд, кој исто така го привлекол вниманието и на Атлетико Мадрид.
Валенсија и Реал Сосиедад од претходно се вклучија во трката за потписот на Мејсон Гринвуд, а Манчестер Јунајтед најверојатно ќе реши перманентно да го продаде.
