Шпанецот Лахоз ќе го суди финалето во Лигата на шампионите

Шпанскиот судија Матео Лахоз ќе ја дели правдата во финалето на Лигата на шампионите во кое силите ќе ги одмерат англиските премиерлигаши Манчестер Сити и Челси.

Ова ќе биде прво финале од ваков тип за него во кариерата. Тој оваа сезона шестпати судеше на натпревар во Лигата на шампионите, а делеше правда и на дуелот меѓу Баерн Минхен и Пари Сен Жермен.

Францускиот судија Клемон Турпан ќе биде арбитар на финалната пресметка во Лигата на Европа.