Екипата на Шкупи славеше со убедливи 5-2 во пријателскиот натпревар против Вардар Форино кој претставуваше проверка за двата состави за време на паузата поради настапите на македонските репрезентации.
Чаирчани беа далеку подобар противник на теренот, до триумфот стигнувајќи со головите на Бајрами, Дијак, Стојановски и во два наврати Фатјон Јусуфи.
Шефот на стручниот штаб Ќатип Османи шанси им даде и на поголем дел млади фудбалери кои имаат помала минутажа во првенството и во Купот.
