Шкупи ја совлада Брера со 1-0 во премиерниот дуел од седмото коло во Првата фудбалска лига. На Чаир, домашните беа за нијанса подобри и славеа со голот на Луан Абази во 69.минута.
Димитар Трајков само пет минути претходно можеше да донесе водство за Брера, но го погоди десниот дирек.
Трапановски исто така имаше шанса за Шкупи, но Алчевски одлично одбрани.
Во 69. минута, по корнерот од левата страна, се создаде мешаница, Дарко Илиески умешно ја врати топката во петерецот, а Луан Абази успеа да постигне погодок за триумф.
