Шкупи ги договори „тестовите“ пред настапот во Конференциската лига

Македонскиот вицепрвак Шкупи се подготвува за настапот на меѓународна сцена, а тренерот Гоце Седлоски и раководството ги договорија контролите на формата пред дуелите со косовскиот Лапи во квалификациите на Конференциската лига. Првиот тест Шкупи ќе го има утре против албанскиот Партизани.

Тимот од Чаир одлучи да ја тестира формата во Охрид. На 21 јуни ќе има проверка на формата против Шкендија, а пет дена подоцна ќе одигра пријателски натпревар и против Струга Трим Лум.