Македонскиот прволигаш Шкупи донесе големо засилување во нападот. Нов фудбалер на тимот од Чаир е Реџиналдо, искусен 30-годишен голгетер од Мозамбик кој доаѓа од клубот Каисар од Казахстан.
„Среќен сум што ќе го носам дресот на Шкупи, не го познавам македонскиот шампионат, но во Албанија и имам познаници тука. Дојдов да се бориме за титулата со Шкупи, ова е голем предизвик за мене“, изјави Реџиналдо.
Тој треба да го замени Дембо Дарбо во шпицот на нападот на Шкупи, кој се истакна како најдобар играч во есенскиот дел од сезоната во ПМФЛ и направи трансфер во Белорусија.
