Шкендија се раздели со тренерот Ардијан Нухиу

Македонскиот прволигаш Шкендија не ги исполни целите во првиот дел од сезоната. Тоа е очигледно откако дојде до разделба со тренерот Ардијан Нухиу.

Раководството и стратегот спогодбено го раскинале договорот, па Шкендија во текот на зимската пауза ќе бара нов стратег кој ќе го преземе кормилото.

Шкендија по есенскиот дел од шампионатот се наоѓа на третата позиција и има негатива од четири бода во однос на лидерот Струга Трум Лум, а доживеа елиминација и во Купот на Македонија.