Шкендија и Динамо Киев постигнаа нов договор за позајмица на фудбалерот Решат Рамадани за период од една година.
На почетокот на оваа година клубовите се договорија за шестмесечна позајмица на Рамадани. Сега соработката е продолжена.
„Сега и официјално е дека Решат Рамадани следната сезона ќе настапува во матичниот клуб КФ Шкендија како позајмен фудбалер од Динамо Киев. Овој договор се очекува да помогне во понатамошниот развој на играчот и да придонесе за успехот на нашиот тим. Го поздравуваме продолжението на Решат Рамадани и му посакуваме успех во новата сезона“, се вели во соопштението на Шкеднија.
