Шкендија, ако ја елиминира Мура, ќе налета на Лудогорец или Шахтјор Солигорск во ЛШ

Македонскиот првак Шкендија го дозна и вториот можен ривал во квалификациите за Лигата на шампионите. Доколку тетовскиот тим ја елиминира Мура од Словенија, во следното коло ќе има посериозен предизвик.

Евентуалниот противник на Шкендија во второто квалификациско коло од елитното натпрварување е победникот од дуелот меѓу Лудогорец од Бугарија и Шахтјор Солигорск од Белорусија.

Сепак, тимот на Ернест Ѓока прво секако треба да се фокусира на првиот ривал, словенечкиот првак Мура.