Фудбалерот на Хофенхајм, Флоријан Грилиш, беше заменет на полувремето од синоќешниот натпревар против Црвена Звезда во Лигата на Европа, откако добил СМС порака дека неговата сопруга е во болница и се пораѓа. Тој побарал од тренерот Себастијан Хенес да му дозволи да биде со сопругата и да присуствува на најубавиот чин во животот.
Грилиш до тој момент беше еден од најдобрите фудбалери на Хофенхајм на теренот, но веднаш доби дозвола од тренерот Хенес да замине во болницата.
„За таа замена нема потреба ниту да разговараме. Некои работи во животот секако имаат приоритет. Само се надеваме дека Грилиш и сопругата ќе добијат здраво „Европа лига“ бебе“, изјави по мечот тренерот на Фофенхајм.
Германскиот тим во второто полувреме постигна два гола и го доби мечот против Црвена Звезда со 2-0.
