Германскиот клуб Шалке 04 соопшти дека привремено е прекинато партнерството со руската компанија „Газпром“. Со ескалацијата на настаните во Украина, Шалке веднаш најави дека ќе ги отстрани ознаките на „Газпром“ од дресовите, што и го направи, а денеска беше донесена одлука партнерството да биде раскинато на неодредено време.
Значи, постои можност во иднина да продолжи нивната соработка која датира од 2006 година, но кога, не се знае.
Шалке добиваше 10 милиони евра годишно на основа на последниот потпишан договор со „Газпром“, а сега кога нивниот најсилен спонзор си заминува од клубот, прашање е каква ќе биде иднината.
Член на Шалке е македонскиот репрезентативец Дарко Чурлинов.
