Англискиот премиерлигаш Лидс Јунајтед го именува Сем Алардајс за нов менаџер до крајот на сезоната. Тој потпиша договор до крајот на сезоната, а ќе добие бонус од дури 2,5 милиони фунти доколку го спаси клубот од испаѓање од Премиер – лигата.
Алардајс ќе дебитира на гости против актуелниот англиски шампион Манчестер Сити, а до крајот на сезоната го очекуваат пресметки со Њукасл, Вест Хем и со Тотенхем.
Задачата за опстанок воопшто не е лесна, Лидс на четири натпревари до крајот на првенството има 30 бода и се наоѓа веднаш над зоната за испаѓање поради подобрата гол-разлика од Евертон со идентичен број бодови.
