Европскиот и светски клупски првак Челси е на продажба. Откако британската влада му воведе строги санкции на Роман Абрамович, тој донесе одлука за продажба на клубот. Сепак, и продажбата би можела да се случи само во строго контролирани услови и со дозвола на властите во Велика Британија.
Се појавија заинтересирани инвеститори кои би сакале да го преземат Челси. Имаше најави од турски и катарски инвестициски фондови, но првата конкретна понуда дојде од Саудиска Арабија.
Компанијата “Сауди Медија Груп” предводена од Мохамед Алкереиџи, дала понуда од 3,2 милијарди евра за да го купи Челси. Сега се очекува дозвола за преговори и посебна лиценца од британската влада за отпочнување на разговори за склучување на зделката. На крајот, сето ова ќе треба да добие одобрение и од Премиер – лигата.
