Иднината на Мохамед Салах од неодамна стана главна тема на англиските медиуми со оглед дека актуелниот договор на крилниот напаѓач истекува во лето 2023. Во случај како неговиот, клубот би сакал да го продолжи договорот на фудбалерот пред да влезе во последните две години од актуелната соработка.
Сепак, тоа очигледно сè уште не е случај со Ливерпул и неговата ѕвезда. Египетскиот фудбалер за “Скај Спортс” изјави: “Немам разговарано со никого од клубот за потпишување на нов договор, па затоа не можам да кажам многу за тоа. Мене никој ништо не ми кажува во клубот, искрено, не знам”.
Се верува дека 28-годишниот фудбалер сака да остане на “Енфилд Роуд”, но не е задоволен од летаргичноста и бавното темпо на преговорите. Како резултат на тоа, не е ни чудно што во изјавата на Мо се чувствува и очигледна фрустрација.
