Египетскиот интернационалец Мохамед Салах го победи коронавирусот, потврди менаџерот Јирген Клоп. По синоќешниот триумф над Лестер, стратегот на Ливерпул најави дека Салах од денеска се приклучува во работата со тимот и дека може да се очекува да конкурира за составот следниот викенд.
Салах доби позитивен тест на Covid-19 додека имаше репрезентативни обврски со националниот тим на Египет. Без речиси никакви симптоми, тој сепак мораше да остане во изолација. Вчера конечно добил негативен тест и може да им се врати на тренинзите на Ливерпул.
„Црвените“ со триумфот над Лестер се израмнија со Тотенхем со по 20 бода на врвот на табелата во Премиер – лигата.
