Португалскиот интернационалец Кристијано Роналдо збеснал во соблекувалната на Јувентус по неодиграниот меч со Наполи во Серија. Скандалот се случил откако му било соопштено дека нема да може веднаш да замине на собирот со репрезентацијата. Роналдо планирал да одлета веднаш со приватниот авион, но морал да чека дозвола од градските власти поради состојбата со коронавирусот.
„Газета дело Спорт“ открива дека Португалецот бил многу лут на клупското раководството затоа што морал да остане во хотелот и да чека дозвола од здравствените власти за да го напушти Торино. Тоа воопшто не му се допаднало, а на крајот на сопствена одговорност гја напуштил клупската база. Потоа Јувентус издејствувал сепак да добие дозвола за да замине во Португалија и да им се приклучи на соиграчите од националниот тим.
