Кристијано Роналдо повторно демонстрира одлична форма при победата на неговиот Ал-Наср со 4-0 над португалскиот тим Рио Аве во пријателски натпревар. Португалската суперѕвезда постигна хет-трик.
Новото засилување на саудискиот клуб, Жоао Феликс, исто така ја покажа својата класа, асистирајќи за вториот гол на Роналдо по брза комбинација со капитенот на Португалија.
Мохамед Симака го отвори резултатот во 15-тата минута, но ѕвездата на вечерта без сомнение беше Роналдо, кој го постигна првиот гол по атрактивна акција со Феликс. Вториот негов погодок дојде по промашена пенал-ситуација на Садио Мане, чиј удар го одбрани голманот Чезари Мишта, а потоа нерасчистената топка резултираше со нов напад на Ал-Наср и извонреден гол со глава по центаршут на Весли.
Петкратниот добитник на „Златната топка“ го заокружи својот хет-трик со прецизно изведен пенал во 68-мата минута, по што беше заменет.
Ал-Наср и Роналдо имаат уште еден контролен натпревар пред почетокот на сезоната во Саудиската Про лига, против шпанската Алмерија на 10 август. Потоа, тимот го очекува полуфинале во Суперкупот против Ал-Итихад на 19 август.
