Кристијано Роналдо е во потрага по нов клуб откако го раскина договорот со Манчестер Јунајтед, а шпанскиот „АС“ пишува дека има само две опции – да замине во Катар или во Саудиска Арабија. Додека не најде нов клуб, по испаѓањето на Португалија од Мундијалот, тој тренираше во спортскиот центар на Реал Мадрид.
„АС“ наведува дека ниту еден клуб кој се натпреварува во Лигата на шампионите не е заинтересиран за Роналдо. Да потсетиме, 37-годишниот напаѓач летово сакаше да го напушти Јунајтед и да потпише за клуб кој настапува во елитното клупско натпреварување. Во меѓувреме се појави понуда од саудискиот Ал-Наср според која Роналдо би заработувал 200 милиони евра годишно и со тоа би станал најплатен фудбалер. Сепак, тој се уште не ја прифатил ниту таа опција.
Шпанците веруваат дека Роналдо може да оди само на Блискиот Исток. Заедно со Ал-Наср, тој доби повик од катарскиот Ал-Сад, каде што можеше да игра со играчи како Андре Ајев и Санти Казорла.
„Иако сака да игра на највисоко ниво, неговите опции се ограничени. Се чини дека европските клубови не се подготвени да го ризикуваат балансот во соблекувалната среде сезона“, заклучува „АС“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski