Кристијано Роналдо го постигна својот седми гол во тековната сезона од првенството на Саудиска Арабија, но неговиот Ал-Наср претрпе пораз со 1-2 на домашен терен против Ал-Кадисија.
Португалската ѕвезда го отвори резултатот во 32. минута, но само пет минути подоцна Хулијан Кинонес израмни. На почетокот на второто полувреме, Пјер-Емерик Обамејанг постигна победнички гол за гостите.
Со оваа победа, Ал-Кадисија се израмни по бодови со Ал-Наср, додека двата тима заостануваат шест бода зад лидерот Ал-Хилал, кој својот натпревар го игра утре.
