Чави Хернандез нема да ја промени својата одлука да замине од кормилото на Барселона по завршувањето на сезоната, па раководството на клубот ги разгледува можните опции за да го избере идеалниот наследник. Според шпанските медиуми, поранешниот играч Рафа Маркез има добар рејтинг, но Ривалдо како клупска легенда се залага тоа место да го заземе Жозе Мурињо.
И покрај спорната историја со клубот за време на неговите тренерски мандати во Челси, Интер и Реал Мадрид, Мурињо ја доби поддршката од познатата легенда на Барселона. Бразилецот смета дека Пеп Гвардиола е невозможна цел, но дека Жозе Мурињо секако би можел да биде добра опција.
„Не гледам дека Гвардиола ќе се приклучи на Барселона во скоро време. Мислам дека единствената вистинска шанса би била ако сака да се врати дома и повеќе да ужива во семејниот живот, што му е полесно во Барселона, а во исто време да може да го тренира тимот. Со оглед дека е без клуб, а согледувајќи ја и ситуацијата во Барселона, според мене, сега полесно е Жозе Мурињо да се приклучи на Барса. Мислам дека тоа би бил одличен потег за Барселона, иако некои навивачи не го сакаат“, изјави Ривалдо.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski