Жозе Мурињо го доби најголемиот подарок по неговиот потпис за Рома, свој вкус на сладолед наречен “специјален”. Поранешниот тренер на Интер се врати во Серија А по повеќе од една деценија, а ќе седне на клупата на римјаните од следната сезона.
Неговото пристигнување беше пречекано со мурал на sидовите на населбата Тестачо, каде што познатиот португалски стратег вози Веспа носејќи шал од Рома. Сега, тој доби и свој вкус на сладолед, а на новиот гест на фановите на “римската волчица” сигурно нема да може да му одолее. Од слаткарницата велат дека сладоледот има вкус на цитрус и на бело чоколадо.
