Реал Мадрид ја победи Осасуна со 2-1 во финалето на Купот на Шпанија и го освои 20. трофеј во ова натпреварување. Важен е за „кралевите“ затоа што го немаа освоено од 2014 година.
Бразилецот Родриго се покажа како човек на одлука. Тој беше двоен стрелец за тимот на Карло Анчелоти.
Родриго го отвори резултатот уште во втората минута, но Лукас Торо успеа да израмни во 58.минута со убав гол од далечина.
Сепак, Родриго брзо реагираше и вторпат ја затресе мрежата на Осасуна, за конечен триумф на Реал и нов трофеј во витрините на „кралскиот клуб“.
