Реал Мадрид не е подготвен да потроши големи суми за нов централен дефанзивец, пишува авторитетното шпанско издание „Марка“.
Според изворот, клубот се интересира за Ибрахима Конате од Ливерпул и Вилијам Салиба од Арсенал. Сепак, трансферот на секој од овие играчи се проценува на 100 милиони евра, а Реал Мадрид не планира да издвојува толку големи средства.
Наместо тоа, шпанскиот клуб ќе го почека истекот на нивните договори за да ги ангажира како слободни играчи. Конате има договор со Ливерпул до 2026 година, а Салиба со Арсенал до 2027 година.
Во моментов, Реал Мадрид се наоѓа на второто место на табелата во Ла Лига, со четири бода помалку од Барселона, а утре се игра Ел Класико.
