Маркус Рашфорд е еден од најредовните стартери на Манчестер Јунајтед и покрај тоа што игра повреден веќе две години, тврди „ЕСПН”. Напаѓачот страда од болка во стапалото и рамото. Како што се наведува, Англичанецот истегнал мускул на левото рамо во ноември минатата година, а овој март, се пожалил на болка во едното стапало.
Сепак, Рашфорд е решен да ја претставува Англија на Европското првенство ова лето. Како резултат на тоа, тој веќе некое време ја одложува операцијата на рамото, а таа ќе мора да се изврши веднаш по завршувањето на натпреварувањето. Се очекува да се реши и проблемот со стапалото до крајот на оваа сезона.
И покрај сето ова, 23-годишникот е четврти најинволвиран играч во составот на “црвените ѓаволи” оваа сезона, постигнувајќи вкупно 20 голови на 51 натпревар досега.
