Германскиот стратег Ралф Рангник од почетокот на следната недела треба да ја стартува својата авантура на “Олд Трафорд”. Во текот на денешниот ден раководството на Локомотив Москва се сложило да го ослободи Рангник кој е директор за спорт и развој во клубот.
Германецот, според информациите, треба в понеделник да пристигне во Велика Британија и да потпише договор со Манчестер Јунајтед до крајот на сезоната, со опција и за негово продолжување. Доколку и ја напушти клупата на крајот од сезоната договорот предвидува Ралф Рангник да остане во клубот како консултант за спортски развој.
Рангник би можел да дебитира на клупата на Манчестер Јунајтед в четврток против Арсенал.
