Менаџерот на Манчестер Јунајтед, Ралф Рангник изјави дека неговите играчи нема да заслужат да играат во Лигата на шампионите следната сезона, доколку продолжат да играат како на натпреварот против Евертон до крајот на сезоната.
Јунајтед загуби од Евертон со 1-0 и е седми на табелата со 51 бод, шест помалку од Тотенхем на четвртото место, последен што засега оди во Лигата на шампионите следната сезона.
„Ако играме вака сега, тогаш не го заслужуваме тоа. Играчите треба да сакаат да играат во меѓународни натпреварувања, ако е можно во Лигата на шампионите. Ако сакате да се пласирате во Европа, тогаш треба да постигнете гол во 95 минути на овие натпревари. “, изјави Рангник, а пренесе „Би-би-си“.
