Рајо и Столе Димитриевски ја сопреа Севилја (ВИДЕО)

Рајо Ваљекано ремизираше (1-1) против тимот на Севилја и конечно ја прекина серијата порази во Ла Лига. Македонскиот репрезентативец Столе Димитриевски го бранеше голот на Рајо, а домашниот тим во водство го доведе Бебе со голот во 46.минута.

Томас Дилејни во 63.минута го совлада Столе Димитриевски за израмнување, но Севилја не успеа да стигне и до целосен пресврт.

Севилја сега има 56 бода, седум помалку од лидерот Реал Мадрид на врвот на табелата во Шпанија.