Францускиот магазин „Франс Фудбал“ официјално го објави списокот од 30 фудбалери кои се номинирани за најпрестижното индивидуално признание во светот на фудбалот, „Златната топка“.
Победникот ќе биде објавен на свечената церемонија на 22 септември, а забележливо е дека помина ерата на Лионел Меси и на Кристијано Роналдо, кои не се меѓу 30-те номинирани. Најмногу фудбалери, вкупно девет, има од европскиот првак ПСЖ, а потоа следи Барселона, со четири претставници.
Оваа награда се доделува за најдобриот фудбалер во сезоната 2024/25, а во изборот учествуваат 100 новинари од 100-те најдобри фудбалски нации според ФИФА рангирањето.
Гласањето се заснова на три главни критериуми: Индивидуален учинок – вклучувајќи пресудни моменти и целокупниот впечаток, Тимски успеси – со клуб или репрезентација, Стил на игра и фер-плеј.
Според обложувалниците, најголем фаворит за освојување на наградата е Осман Дембеле (ПСЖ), а веднаш зад него се Ламин Јамал (Барселона), Витиња (ПСЖ), Мохамед Салах (Ливерпул) и Рафиња (Барселона).
Листа на номинирани за Златната топка
Џуд Белингам (Реал Мадрид / Англија)
Осман Дембеле (ПСЖ / Франција)
Џанлуиџи Донарума (ПСЖ / Италија)
Дезире Дуе (ПСЖ / Франција)
Дензел Дамфрис (Интер / Холандија)
Серху Гираси (Борусија Дортмунд / Гвинеја)
Виктор Ѓокереш (Спортинг / Шведска)
Ерлинг Халанд (Манчестер сити / Норвешка)
Ашраф Хакими (ПСЖ / Мароко)
Хари Кејн (Баерн Минхен / Англија)
Хвича Кварацхелија (ПСЖ / Грузија)
Роберт Левандовски (Барселона / Полска)
Алексис Мекалистер (Ливерпул / Аргентина)
Лаутаро Мартинез (Интер / Аргентина)
Килијан Мбапе (Реал Мадрид / Франција)
Скот Моктаминеј (Наполи / Шкотска)
Нуно Мендеш (ПСЖ / Португалија)
Жоао Невеш (ПСЖ / Португалија)
Мајкл Олисе (Баерн Минхен / Франција)
Кол Палмер (Челси / Англија)
Педри (Барселона / Шпанија)
Рафиња (Барселона / Бразил)
Деклан Рајс (Арсенал / Англија)
Фабијан Руиз (ПСЖ / Шпанија)
Мохамед Салах (Ливерпул / Египет)
Вирџил ван Дајк (Ливерпул / Холандија)
Винисиус Жуниор (Реал Мадрид / Бразил)
Витиња (ПСЖ / Португалија)
Флоријан Вирц (Баер Леверкузен / Германија)
Ламин Јамал (Барселона / Шпанија)
