Пари Сен Жермен во голем стил го заврши францускиот шампионат совладувајќи го Мец на „Паркот на принцовите“ со 5-0. Со тоа го испрати ривалот ранг подолу. Килијан Мбапе постигна хет – трик, а во листата на стрелците се запишаа и Нејмар и Анхел Ди Марија кој се прости со фановите на најдобар можен начин.
Сент Етјен одигра 1-1 на гости кај Нант и ќе игра бараж за опстанок во елитата.
ПСЖ и Марсеј одат во Лигата на шампионите, Монако ќе игра квалификации во елитното натпреварување, а Рен и Ница ќе бидат дел од Лигата на Европа, односно Конференциската лига.
