Најдобриот фудбалер на Баерн Минхен, Роберт Левандовски, следното лето би можел да направи сензационален трансфер во Пари Сен Жермен, дознава „Л’Екип“. Левандовски е во Баерн веќе седум години и со повеќекратниот германски шампион освои се што може да се земе, а во саботата попладне го израмни рекордот на легендарниот Герд Милер по бројот на голови во една сезона во Бундес – лигата.
Неговиот договор истекува за две години, што е можност за Баерн, соочен со загуби среде пандемија на коронавирус, да заработи нешто.
По фијаското со Мауро Икарди, кој најверојатно ќе се врати во Италија, и разделбата без такти со Единсон Кавани, на ПСЖ очајно му треба „деветка“.
