Австрискиот интернационалец Давид Алаба има се помалку шанси за настап на реванш осминафиналниот натпревар во Лигата на шампионите против ПСЖ во Мадрид.
Дефанзивецот на Реал до неодамна го повреди мускулот и не беше во составот во саботата против Рајо Ваљекано. Неизвесно е дали ќе се опорави и за дуелот против ПСЖ на „Бернабеу“.
Одамна е познато дека мечот меѓу Реал и ПСЖ во Мадрид ќе го пропуштат Ферлан Менди и Кашемиро, двајцата поради суспензија, што значи дека левата страна на кралскиот клуб практично ќе биде отсечена пред најважниот меч досега оваа сезона.
ПСЖ славеше со 1-0 на „Паркот на принцовите“ со голот на Килијан Мбапе, а реваншот се игра в среда на 9 март од 21 часот во Мадрид.
