Пеп Гвардиола потврди дека Џон Стоунс ќе го пропушти следниот месец откако заработи повреда на бутниот мускул на дуелот против Арсенал. Менаџерот на Манчестер Сити зборуваше и за Фил Фоден и потврди дека англискиот репрезентативец е фит по проблемите со ногата и ќе може да се врати на следниот натпревар.
„Стоунс ќе биде надвор од терените три недели, можеби еден месец. За жал, играме многу натпревари. Тој доаѓа од Светското првенство и „потрошен“ е. Мислам дека Фил Фоден ќе биде достапен, тој добро тренира во последните два дена“, сподели Гвардиола.
Пеп Гвардиола има проблеми во одбраната со отсуството на Џон Стоунс и на Жоао Кансело, кој прејде на позајмица во Баерн Минхен.
„Граѓаните“ ги загубија сите три гостувања на новиот стадион на Тотенхем.
