Сенегал пред три дена го освои Африканскиот куп на нации во Камерун по подобро изведување пенали. Тоа е прва титула за Сенегал во историјата, а претседателот на државата ги награди за овој огромен успех.
По големиот успех, играчите и стручниот штаб добија необични награди.
Покрај паричната награда, на играчите и на стручниот штаб и претседателот на Сенегал, Меки Сал, им додели и земјиште.
„Секој играч и член на стручниот штаб ќе добијат по 50 милиони франци (околу 76.000 евра), парцела од 200 метри квадратни во Дакар и парцела од 500 метри квадратни во Диамнијади, нов град во изградба на околу 30 километри од главниот град, објави кабинетот на Претседателот на Сенегал.
