Алехандро Папу Гомез остана без клуб откако на 1 септември го раскина договорот со Севилја. Аргентинскиот напаѓач сѐ уште не најде нов клуб и призна дека размислува за крајот на кариерата.
„Ја чекам вистинската прилика, ако не дојде, ќе се збогувам. Вложив сѐ во фудбалот и не сакам сето ова да го завршам со горчлив вкус“, изјави Гомез, кој пред девет месеци го освои Светското првенство со Аргентина.
„Фактот дека сум светски шампион сѐ уште ми е нереален. Сфатив дека напорната работа се исплати. Се што направив се исплатеше со таа титула”.
Папу Гомез во Европа пристигна во 2010 година во Катанија, од каде три години подоцна замина во украинскиот Металист. Пред девет години се врати во Италија и потпиша за Аталанта каде го играше најдобриот фудбал во кариерата. Последните две и пол години ги помина во Севилја.
