Фудбалската репрезентација на Македонија го одржа официјалниот тренинг на Националниот стадион во Варшава во пресрет на утрешниот квалификациски дуел со Полска, лидерот во нашата група за пласман на ЕП 2020. Аријан Адеми не тренираше, и понатаму има проблеми со отокот на стапалото, но докторскиот тим сепак уверува дека тој ќе може да настапи на утрешната средба.
Селекторот Игор Ангеловски ги имаше на располагање сите останати фудбалери, атмосферата е позитивна и сите се максимално мотивирани да ја продолжат победничката низа. Нема да биде лесно тоа против силната Полска, но и Македонија има свои адути во Пандев, Елмас, Несторовски…
