Босанскиот интернационалец Миралем Пјаниќ не се снајде најдобро во тимот на Барселона по доаѓањето од Јувентус и речиси сигурно ќе го напушти „Камп Ноу“ во летниот преоден рок. Иако има опции за враќање во Италија, сепак, одличниот играч за врска е многу поблиску до преселба на „Ванда Метрополитано“.
Пјаниќ би можел да го следи Луис Суарез и од Барселона да се пресели во Атлетико Мадрид. Зделката би требала да се реализира за 10 милиони евра, а босанскиот интернационалец би добил многу поголема минутажа и можност да докаже што знае и умее во Ла Лига.
