Македонскиот второлигаш Пелистер реагираше на судењето на главниот судија Александар Грујоски при поразот од Гостивар (1-3). Битолчани ја прашаа ФФМ дали веќе е скроена табелата за оваа сезона?
„ФК Пелистер оштро реагира на денешното судење од страна судиската тројка, на чело со главниот судија Александар Грујоски од Kичево. ФК Пелистер сериозно ја прашува Фудбалската федерација на Македонија (ФФМ) и судиската организација дали пред време го креира изгледот на табелата и ако е така јавно да се изјасни затоа што ФК Пелистер е општински клуб, кој егзистира со пари од граѓаните.
ФК Пелистер му ја честита победата на ФК Гостивар, но исто така сакаме да истакнеме дека главниот судија при резултат 1-0 за Пелистер досуди срамен пенал за гостите, со што дириктно влијаеше на понатамошниот тек на натпреварот.
Ви го доставуваме и видеото од пеналот кој што го виде само главниот судија“, објави Пелистер на социјалните мрежи.
