Тренерот на српскиот клуб Партизан, Александар Станојевиќ, соопшти дека поднел оставка од функцијата и дека следната сезона нема да биде на клупата на тимот.
„Им кажав на луѓето кои го водат клубот дека ако не освоиме трофеј, нема да бидам тренер следната година. Тие го знаеја тоа. Ги известив играчите во соблекувалната дека повеќе не сум тренер на Партизан“, изјави Станојевиќ на прес-конференција по финалето на Купот на Србија.
Фудбалерите на Партизан вечерва загубија во финалето на Купот на Србија од Црвена звезда со 2-1, па сезоната ја завршија без освоен трофеј.
