Горан Пандев го постигна историскиот прв гол за Македонија и на европските првенства. За жал, мечот со Австрија ќе го паметиме по пораз од 3-1.
Капитенот вели дека шансите за втората фаза и покрај поразот не се загубени.
„Ова е прв натпревар на Европското првенство, големо искуство за нас. За жал, доживеавме пораз, но ништо не е завршено. Одигравме одлични 70 минути, а потоа Австрија која физички посилна од нас, преку неколку освежувања од клупата стигна до победа. Шансите не се загубени, треба сега прво добро да се одмориме, а потоа треба да се подготвиме за вториот меч против Украина. Жал ми е за поразот поради навивачите кои дојдоа да не бодрат и за тоа им благодарам од срце“, изјави Пандев.
