Аргентина стана светски првак со подобро изведување на пенали од Франција. По фантастичното финале, интересна порака испрати Месут Озил, поранешен германски репрезентативец и светски шампион од Бразил 2014 година.
„No Benzy, no party“, му порача Озил на Дидие Дешамп и на новите светски вицешампиони.
Бензема не играше на Мундијалот бидејќи беше полесно повреден пред почетокот на шампионатот. Во меѓувреме се опорави, но Дешамп не сакаше повторно да го повика. Тоа предизвика револт кај Бензема, кој повеќе нема да игра за Франција доколку Дешамп остане селектор.
