Олимпик Марсеј отвори дисциплински постапки против двајца свои фудбалери, Адриен Рабио и Џонатан Роу. Според „RMC Sport“, двајцата едвај биле раздвоени од соиграчите и персоналот на клубот по поразот од 0-1 против Рен, при што дошло дури и до меѓусебни закани.
Инцидентот ја натерал управата на клубот да реагира брзо, па двајцата играчи се привремено исклучени од првиот тим.
Рабио побарал да си замине поради санкцијата која ја доби за судирот со Џонатан Роу. Францускиот репрезентативец јасно ставил до знаење дека повеќе не сака да игра за Олимпик Марсеј и инсистира да замине до крајот на трансферниот прозорец.
Иднината на Роу исто така е неизвесна. Можно е и англискиот младински репрезентативец да си замине од „Велодром“, а за него веќе има интерес од Болоња и од Рома.
