Во Грција по дербито меѓу Олимпијакос и Панатинаикос повторно се зборува за инциденти наместо за фудбал.
Навивачите на Олимпијакос фрлаа топовски удари и петарди кон играчот на Панатинаикос, Хуанкар додека тој се загреваше, што резултираше со трајно оштетување на слухот.
„Дисциплинците“ реагираа и излегоа со казни за Олимпијакос, како домаќин на големото грчко дерби.
„Црвено-белите“ беа казнети со одземање бод, натпреварот беше регистриран со службен резултат за Панатинаикос 0-3 (на паузата беше 1-1), а ќе треба да платат и 38.000 евра.
Сега на табелата Панатинаикос има 19 бодови, а Олимпијакос бод помалку.
