Оли Воткинс е подготвен да ја „пополни празнината” во нападот на Манчестер Јунајтед, доколку клубот не успее да ја доведе својата примарана трансферна цел, Бењамин Шешко, пренесуваат британските медиуми.
По неуспешните обиди за ангажман на играчи како Лијам Делап, Виктор Ѓокереш, Хуго Екитике и Виктор Осимен, вниманието на „црвените ѓаволи“ сега е насочено кон ѕвездата на Лајпциг, Бењамин Шешко. Сепак, конкуренцијата за потписот на словенечкиот напаѓач е жестока, особено од страна на Њукасл, кој исто така сериозно е заинтересиран.
Според извори од Германија, скептицизмот дека Манчестер Јунајтед ќе успее да го победи Њукасл во оваа трансфер-трка расте, особено со оглед на високата откупна клаузула на Шешко.
Во меѓувреме, Воткинс се гледа како поисплатлива алтернатива.
Британските медиуми тврдат дека Астон Вила би прифатила понуда во рамките од 40 до 50 милиони фунти за 29-годишниот напаѓач.
Воткинс, кој во изминатите пет сезони постигна 87 голови за Астон Вила, смета дека е дојдено време за нов предизвик и е ентузијастички расположен за потенцијален трансфер на „Олд Трафорд“.
